சம கால சமூகத்தினை கவனித்ததில்.... சில அவதானிப்புகள்
1. பசிக்காக உணவு என்ற நிலையிலிருந்து, சுவைக்காக உணவு என்ற நிலைக்கு மாறியிருக்கிறது. அதனால் தான்....
விதவிதமான உணவுகளை, மக்கள் விரும்புகிறது. வாரம் ஒருமுறையாவது... சமையலுக்கு விடுப்பு அளித்து, உணவகங்களுக்கு செல்வது அதிகமாகிறது. இதன் நீட்சியாகவே சுவிகி, உபர் ஈட்ஸ் போன்ற வீட்டிற்கே வந்து உணவளிக்கும் வணிகம் அமைகிறது.
2. இந்தாண்டு பருவமழையில் நன்றாக இருக்கிறது. நெல் நல்ல மகசூலை தரும். அதிக மகசூலால் , விலை குறையவும் வாய்ப்பு உள்ளது. குறைந்த பட்ச ஆதார விலையினை அரசு அளித்தாலும், விவசாயிகளின் வாழ்வில் மகிழ்ச்சி ஏற்படுத்துமா?? என்பதை பொறுத்திருந்து தான் பார்க்க வேண்டும். மறுபுறம் வெங்காயம் உற்பத்தி குறைந்து விலை விண்ண முட்டுகிறது. விலை உயர்ந்தாலும் மற்றும் விலை தாழ்ந்தாலும் இடைத்தரகர்களே அதிகம் பலனடைய வாய்ப்பு அதிகம்.
3. கிராம புறங்களில் சாலைகளில் அதிக வளைவுகள் இருப்பது வழக்கம். ஆனால் முக்கியமான வழித்தடங்களில்.... திருவாரூர்- கும்பகோணம் சாலையும், கும்பகோணம்- கரைக்கால் சாலைகளில் வளைவுகள் அதிகமாக இருக்கிறது. பொதுவாக நடைபாதைகளே....
வருங்காலங்களிலே சாலைகளை மாறுகின்றன. பெரிய நிலசுவன்தார்கள் நிலங்களின் குறுக்கே பாதைகள் விட வாய்ப்பில்லை. இவ்வாறாக நடைபாதைகளே, சம கால சாலைகளாக மாறி வாகன ஓட்டிகளுக்கு சவாலாக அமைகிறது. நிலவுடைமை சமூகத்தின் நீட்சியாகவே தெரிகிறது.
4. சமூகம் வளர வளர திருமணம் சார்ந்த எதிர்ப்பார்ப்புகளும் அதிகமாகி வருகின்றன. ஆதலால் திருமண வயது அதிகமாகி வருகிறது. சமகால சூழ்நிலைகளினை பெற்றோர்களும், பிள்ளைகளும் புரிந்து கொள்வதில்லை. திருமண வயது அதிகமாகும் குழந்தை பிறப்பு விகிதமும் குறைந்து வருகிறது. குழந்தை பெற்று வளர்ப்பதற்கு அதிகமான பொருளாதாரம் தேவைப்படுவதால், ஒரு குழந்தையே போதும் என்ற முடிவுக்கு வந்து விடுகின்றனர். இந்த மனநிலையால்...
.10-20 ஆண்டுகளில் குடும்ப சக்கரம் சுருங்கி, இந்தியா அதிகளவு பொருளாதார நெருக்கடியை சந்திக்க நேரிடும்.
5. வேலையில்லாத சூழ்நிலை அதிகமாவது அனைவரும் அறிந்ததே!! ஆனால் உடல் சார்ந்த தொழில்களில் வேலைகள் இருக்கவே செய்கின்றன. அதற்கு மக்கள் தயாராக இல்லை. கார்பெண்டர், பெயிண்டர், எலெக்டிரிசன், டிரைவர், மெக்கானிக் போன்ற திறன்மிகு(skilled)
வேலைகளுக்கான தேவை அதிகமாகவே இருக்கிறது. அதனை குறித்து சம கால இளைஞர்கள் சிந்திக்க வேண்டும். மொத்தத்தில் மன உழைப்பையும் உடல் உழைப்பையும் சமமாக எண்ணும் மனநிலை வளர வேண்டும்.
6. பொது போக்குவரத்தை பயன்பாடு வெகுவாக குறைந்து வருகிறது. இருசக்கர மற்றும் நான்கு சக்கர பயன்பாடு மத்திய தர வர்க்கத்தினரிடம் அதிகமாகி வருகிறது. சுற்றுப்புற சூழல் பிரச்சனைகளையெல்லாம் தாண்டி.....
பொது போக்குவரத்து சார்ந்த வேலைவாய்ப்புகளும் குறைய வாய்ப்பு இருக்கிறது. அரசு பள்ளி ஆசிரியர்களை போல...
7. செல்போன்கள் வாழ்க்கையை அதிகமாக ஆக்கிரமித்து கொள்கின்றன. மனிதர்களுக்கு இடையே முகம் பார்த்து பேசுவது குறைந்து வருகிறது. மேலும் மனிதர்களுக்கு இடையே முகம் அறியாத பேச்சுகளே
(whatsapp, Facebook) அதிகமாக வருகின்றன. முகமறியாத பேச்சுவார்த்தைகள் மூலம் பிரச்சனைகளை உணர்வு பூர்வமாக புரிந்து கொள்ள முடியாது. முகம் பார்த்து பேசும் போதும் கூட
......... எதையும் சரியாக புரிந்து கொள்ளா நிலையே இருக்கிறது. இறுதியாக எந்த பிரச்சனையையும் தெளிவாக புரிந்து கொண்டு, தீர்வு கிடைப்பது அரிது.
8. பாலியல் வன் கொடுமைகள், கொலைகள் பற்றி பேசும் போதும், உணர்வு பூர்வமாக பேசுவதே அதிகமாகி வருகிறது. மிக விரைவாக வழக்குகளை முடித்து தண்டனை கொடுத்தால் மட்டும் குறையும் என்ற பொது புத்தியை முழுமையாக ஏற்று கொள்ள முடியவில்லை!!! பாலியல் கல்வி, ஆணாதிக்கம் பற்றிய புரிதல், குழந்தை வளர்ப்பு, குழந்தைகளுக்கு தற்காப்பு கலைகளை கற்று கொடுத்தல் போன்றவற்றை ஏற்படுத்தாமல் எந்த மாற்றமும் நடக்காது!!!
உங்களில் ஒருவன்
உங்களை போல் ஒருவன்
வேதை குமார்
